Solicitar o informe¶
A páxina Informes ten un bloque por informe.
Informe de indicios de visibilidade e impacto¶
Informe en Word das túas publicacións cos seus indicios de visibilidade e impacto (está en fase beta). Ten en conta só artigos, revisións, libros, capítulos de libro e relatorios de congreso, e un máximo de 10 publicacións.
SOLICITAR DESCARGA leva ao listado de publicacións: marca as que queiras e, na descarga, escolle o tipo Informe (Word) e o estilo de cita (ver Consultar as túas publicacións). GUÍA DE USO INFORME explica como interpretalo.
Currículo normalizado¶
O formato CVN é o currículo normalizado da FECYT que piden moitas convocatorias. OBTENER CVN abre a páxina das túas descargas de CVN. Preme NOVA DESCARGA CVN e escolle a versión Completo ou Abreviado (esta última está aínda en revisión). Os CVN xerados quedan en Descargas preparadas, coa data, o nome, o formato e o idioma. Dende esa páxina hai tamén unha ligazón ao Editor CVN da FECYT.
Informe de produción científica (Memoria académica)¶
Informe en Word da túa produción científica e académica nun período. SOLICITAR DESCARGA abre unha páxina na que escolles:
- O Período (Desde e Hasta), dun máximo de 6 anos.
- As Seccións que se inclúen: teses dirixidas e defendidas, traballos de fin de máster e de grao, proxectos de innovación docente, publicacións, achegas a congresos, patentes e financiamentos.
Despois preme DESCARGAR.
Impacto normalizado¶
Calcula o impacto normalizado das túas publicacións coas táboas de citas mundiais de Scopus (2014-2022, artigos e revisións). Só usa as publicacións do perfil de Scopus marcado como principal, e ten que haber polo menos un artigo ou revisión no período. Escolle o Período de cálculo e preme OBTER INFORME.
