Cadro de control de expedientes¶
No menú da esquerda de Seguimento teses doutorais:
- Premer en «Control de expedientes de doutoramento».
Ábrese o Cadro de control de expedientes de Doutoramento, cos datos do/da docente na cabeceira e un bloque de filtros:
- Escoller o ano académico.
- Marcar as situacións das teses que se queren ver: en curso, depositadas, autorizadas, lidas, en baixa definitiva ou en baixa temporal. Por defecto aparecen todas marcadas agás as teses lidas.
- Premer en «Aplicar filtros».
Táboa de teses¶
Debaixo dos filtros aparece a táboa Tese co alumnado asignado. Para cada doutorando/a móstrase o ano de ingreso, o perfil, o número de actividades do documento de actividades (rexistradas e revisadas), se ten plan de investigación, a valoración e o informe da dirección/titoría, a data límite de depósito e a avaliación da comisión académica.
- A columna Perfil indica se se figura como D (director/a) ou T (titor/a).
- Nas columnas do informe da dirección/titoría, T é o/a titor/a e D1, D2 e D3 son os/as directores/as.
- As iconas da esquerda do nome serven para consultar () ou modificar () o expediente.
- A icona da columna Enviar correo permite escribir ao/á doutorando/a.
Expedientes duplicados
Se se figura á vez como director/a e titor/a da mesma persoa, o seu expediente aparece dúas veces na listaxe, unha por cada perfil. Non é un erro.