Delegar permisos

A persoa responsable do grupo pode dar a outros membros permiso para facer parte destas tarefas, por exemplo a quen lle leva a web ou a xestión do grupo. Preme Xestionar permisos, arriba na páxina do grupo.

A páxina ten dúas listas:

• Membros con permisos delegados: quen ten permisos agora e cales.
• Histórico de permisos revogados: os permisos que se retiraron, con quen os concedeu e quen os retirou.

Engadir un permiso

1. Preme ENGADIR PERMISO e escolle a persoa en Seleccionar persoa. Só aparecen os membros actuais do grupo.

   

2. Marca os permisos que lle queres dar:

   Permiso	Que permite
   Descargar contido	Descargar informes, memorias e datos do grupo (pasos 3 e 4)
   Editar datos	Editar certa información do grupo, como o logo ou a imaxe (paso 1)
   Xestionar novas	Crear, asociar e desasociar novas do grupo
   Xestionar texto rico	Incluír ou editar os textos da páxina pública, con imaxes e vídeos (paso 2)

   

3. O diálogo non ten botón de gardar, só PECHAR. Ao pechalo, comproba que a persoa aparece en Membros con permisos delegados cos permisos que lle deches.

Dá só o que faga falta

Os permisos pódense combinar e retirar cando queiras. Para alguén que só prepara as memorias abonda con Descargar contido. Para quen leva a web do grupo, Editar datos e Xestionar texto rico.

---