Consulta e revisión do expediente¶
Na táboa de teses, premer na icona de consultar () á esquerda do nome do/da doutorando/a.
Ábrese a pantalla Inscrición e seguimento, cos apelidos e nome, o plan (programa de doutoramento), o decreto que se aplica e a data máxima de depósito. Debaixo hai unha serie de seccións que se despregan ao premer no seu título:
Datos do doutorando e da tese¶
Recolle o título da tese, a dirección e a titoría, a data de inicio, os días consumidos, a cotutela, as mencións industrial e internacional e, cando corresponda, as datas de depósito e lectura e a cualificación. Ao final aparecen as liñas de investigación da tese.
Que revisar
Convén comprobar sobre todo o título, os nomes e a procedencia da dirección e da titoría, a data de inicio e as liñas de investigación. Se algún dato non se corresponde coa realidade, hai que comunicalo á coordinación do programa.
Financiamento, documento de actividades e plan de investigación¶
- Financiamento: bolsas ou contratos que financian a tese, se os hai.
- Documento actividades: actividades formativas rexistradas polo/pola doutorando/a.
- Plan de investigación do doutorando: documentos achegados en cada curso (compromiso documental, plan de investigación...). Pódense descargar e ver se están validados pola dirección.
Informe da dirección/titoría e avaliación da comisión académica¶
- Informe da dirección/titoría da tese: un bloque por cada director/a ou titor/a, coa valoración (positiva ou negativa), as observacións e o informe de cada curso académico.
- Avaliación da comisión académica: resultado da avaliación anual da tutela da tese en cada curso.
- Obxectivos de Desenvolvemento Sostible: ODS asociados á tese.
Para volver á táboa de teses, premer en «Volver» ao final da pantalla.