Ir ao contido

ANEXO III E CUSTE DO CONTRATO

A tramitación comeza co envío dun correo electrónico á OPCTI, contratos@udc.es, incluíndo a seguinte documentación asinada polo/a IP:

Anexo III. Convocatoria de contratación

  1. Ir a Impresos e elixir o Anexo III tendo en conta cal é o organismo que financia o contrato (Ministerio de Ciencia, Xunta de Galicia, etc).

    IMPORTANTE

    Comprobar que os logos son os correctos.

  2. Cubrir todos os campos do formulario.

    • Datos da axuda: referencia, denominación do proxecto, liña de investigación (se é o caso), duración…

    • Grupo de cotización no Réxime Xeral da Seguridade Social, tendo en conta que todas as categorías pertencen ao Grupo I, agás os Axudantes (Grupo III)

    • Categoría profesional, segundo o novo Acordo de clasificación profesional e condicións de traballo do persoal contratado ao abeiro da Lei 14/2011, do 7 de xullo, da ciencia, a tecnoloxía e a innovación (persoal contratado para tarefas de investigación PCTI)

      • Investigador/a contratado/a doutor/a (ICD) Tarefas de investigación entendidas como o traballo creativo realizado de forma sistemática para incrementar o volume de coñecementos, e o seu uso para crear novas aplicacións, a súa transferencia e divulgación.

      • Xestor/a de investigación (XDI) Alta xestión, coordinación de actividades económicas ou administrativas (execución e avaliación procedementos, difusión de resultados, promoción e transferencia de resultados,…)

      • Colaborador/a de investigación (CDI) Os traballos deben contribuir á creación e ao avance do coñecemento.

      • Técnico/a de apoio á investigación (TAI) Labores especializadas técnicas ou asistenciais.

      • Axudante de apoio á investigación (AAI) Función de apoio e asistencia á investigación.

      • Técnico/a administrativo/a e de xestión (TAX) Función de xestión administrativa ou económica, de difusión ou de promoción de I+D+i.

      • Axudante administrativo/a (AA) Función de apoio na xestión económico-administrativa.

    Anexo III

    Nas categorías nas que sexa requerido, hai que seleccionar o nivel MECES esixido MECES 1: Técnico superior MECES 2: Grao, MECES 3: Mestrado, MECES 4: Doutor/a

    Denominación Titulación requerida (MECES)
    A Investigador/a contratado/a doutor/a (ICD) 4
    B Xestor/a de investigación (XDI) 2/3/4
    C Colaborador/a de investigación (CDI) 2/3
    D Técnico/a de apoio á investigación (TAI) 2/3/4
    E Axudante de apoio á investigación (AAI) 1
    F Técnico/a administrativo/a e de xestión (TAX) 2
    G Axudante administrativo/a (AA) 1

    IMPORTANTE

    A retribución mínima asígnase non á categoría concreta, senón á titulación mínima requirida. Deste xeito, un contrato que esixe nivel MECES 3 terá unha retribución mínima maior que o que esixe MECES 2.

    Retribución mínima requerida (MECES) Retribución mínima bruta anual (€)
    4 29.000 €
    3 26.000 €
    2 24.000 €
    1 19.000 €

    • Xornada:

      • Tempo completo: 35 horas

      • Tempo parcial: desde 17,5 horas ata 34,5 horas

    • Tipo de contrato: (tendo en conta a financiación):

      • Indefinido (norma xeral)

      • Duración determinada: Next Generation, Fondos FEDER, FSU+, FEADER.

    • Retribucións Brutas: Salario + Prorrata de pagas extras dato do segundo parágrafo do PDF obtido da calculadora de contratos.

      IMPORTANTE

      O custe total do salario pode aumentar se a persoa seleccionada ten trienios recoñecidos.

      Retribucións Brutas

    • Partida orzamentaria: no caso de dúbida, consultar co EXI (exi@udc.es) ou coa OPCTI contratos@udc.es.

    • Requisitos de titulación: segundo a categoría profesional seleccionada e, no seu caso, o nivel MECES esixido.

    • Órgano de selección:

      • 3 titulares + 3 suplentes:
        • Presidente/a: IP ou persoa na que delegue
        • Secretario/a
        • Vogal

      IMPORTANTE

      Hai que respetar a paridade.

Memoria

Como mínimo ten que incluir:

  • Tarefas que desenvolverá a persoa contratada e a súa relación co proxecto, axuda, programa ou liña.
  • Criterios de valoración desagregados que permitan garantir a obxectividade da puntuación.
  • Criterios a aplicar no caso de empate.
  • Entrevista persoal opcional (non superior ao 25% da puntuación total).
  • Puntuación mínima para integrar a listaxe de agarda.
  • Datos de contacto do tribunal.

Calculadora

  • Hai que encher todos os campos.
  • A calculadora indica a retribución mínima tendo en conta a categoría seleccionada.

  • Unha vez feitos os cálculos, imprimilos en pdf e o/a IP ten que asinar o documento.

    Calculadora